”Kam ikur nga Kuvendi”, Alibeaj: Nuk ka më sens lufta politike, fitoren e mori prapë Rama

Deputeti i pavarur, Enkelejd Alibeaj nuk ishte në Kuvend, ku u votuan dekretet e presidentit për ndryshimet e reja në qeveri apo kryetaren e re të Kuvendit.

Për të lufta politike tashmë nuk ka sens pasi Rama siguroi dhe fitoren e radhës pasi bashkoi votat me opozitën për mbylljen e listave. Alibeaj nuk la pa komentuar dhe ndryshimet në qeveri, të cilat sipas tij u bënë pa transparencë dhe treguan edhe njëherë se deformimi i demokracisë në vendin tonë vijon.

“Jam larguar nga Kuvendi sepse është më mirë këtu se atje. Është një skenë e vështirë. Rama mori fitoren në tavolinë. Me papërgjegjshmëri shkarkoi disa ministra. Qeveria është e shqiptarëve dhe jo e Ramës. Opozita bashkoi votat me Ramën për të mbyllur listat. Nuk ka më sens lufta politike. Qeverinë ia ke dhënë Ramës. Rama nuk e ka pranuar të zhvillohet debat për shkarkimin dhe emërimin e ministrave që në vitin 2012. Qeveria duhet të jetë në sytë dhe kontrollin e publikut. Çdo ndryshimi që i bëhet, publiku duhet të dije psenë. Kontrolli i parlamentit mbi qeverinë është asgjësuar dhe kështu vijon deformimi i demokracisë. Nuk jam aspak i surprizuar nga ndryshimet në qeveri”, tha Alibeaj në ”A2cnn”.