Kamera e radarë në rrugët e qyteteve, marrëveshje me Emiratet e Bashkuara për më pak patrulla në rrugë

Ministri Taulant Balla ka njoftuar sot se po punohet në lidhje me një marrëveshje me Emiratet e Bashkuara.

Balla ka zbuluar se kjo marrëveshje përfshin pajisjen me radarë dhe kamera të rrugëve, në përpjekje për të ulur numrin e efektivëve që patrullojnë në akset rrugore.

Ai shtoi se një nga objektivat kryesorë është kapja në kohë rekord e personave në kërkim, për të cilin tha se Emiratet janë shembull për t’u marrë në këtë drejtim, referuar edhe shqiptarëve të arrestuar në Dubai së fundmi.

“Një nga objektivat e mia është që koha e gjetjes e atyre në kërkim të jetë sa më e shkurtër.
Një vend për të marrë eksperienca. Po negociojmë një marrëveshje në fushën e financimit të një sistemi monitorimi me kamera e radarë në rrugët e qyteteve për të mundësuar pakësimin e numrit të policëve në rrugë”, tha Balla.