Kamerat në trupat e policëve, Tahiri: Instrumenti më i fuqishëm antikorrupsio

Duke prezantuar sot projektin për kamerat trupore të policisë së shtetit, ministri i Brendshëm Saimir Tahiri tha se kjo është mënyra më e mirë për të rritur besimin e qytetarëve te policia e shtetit.

“Kamerat në trupat e efektivëve sjellin jo vetëm transparencën e punës së policisë, por shmangin edhe abuzimet me detyrën” – tha Tahiri.

Në aktivitetin ku janë të pranishëm drejtues të Policisë, kryeministri i vendit dhe përfaësues të huaj, Tahiri tha se është bërë një punë e madhe për të krijuar besim te qytetarët.

“Kjo është mundësia më e mirë për të kuptuar se çfarë duhet të bëjmë më mirë. E nisëm me Tiranën me kamerat e trupit dhe jemi mjaft të bindur se produkti i këtij revolucioni do të jetë modeli ynë më i mirë për ta shtrirë në të gjithë Shqipërinë. Kamera trupore është instrumenti më i fuqishëm antikorrupsion” – tha Tahiri.