Kamëz, 22-vjeçari kapet me 14 kallëpe tritoli

Një 22-vjeçar është arrestuar nga policia e Kamzës, pasi në oborrin e banesës së tij u gjëtën 14 kallëpë të dyshuara si lëndë plasëse e llojit tritol.

Në pranga u vu Fatjon Leka, 22 vjeç.

“Gjatë kontrollit të ushtruar në banesën e këtij shtetasi, në oborr i është gjetur e fshehur një qese plasmasi brenda së cilës kishte 14 kallëpe të dyshuara si lëndë plasëse e llojit tritol të cilat u sekuestruan në cilësinë e provës materiale”,sqaron policia.

Materialet iu referuan Prokurorisë së Rrethit Gjyqësor në ngarkim të shtetasit të lartpërmendur për veprën penale  “Prodhim dhe mbajtje pa leje të armëve dhe municionit luftarak”.