Kamionë me drogë në Kapshticë, policia jep detajet

Policia e Shtetit ka dhënë informacione zyrtare për drogën e kapur mbrëmjen e sotme në Kapshticë. Sipas të dhënave zyrtare, Policia Kufitare në bashkëpunim me Autoritetet Doganore, mbi bazën e informacioneve të siguruara në rrugë operative, kanë goditur një tentativë të trafikut ndërkombëtar të lëndëve narkotike.

Gjatë kontrollit të detajuar në vijë të dytë duke përdorur qen antidrogë dhe më pas edhe gjatë skanimit, Policia Kufitare dhe Dogana kanë konstatuar në dy kamione lëndë narkotike.
Ndërkohë po vijon kontrolli i imtësishëm i dy mjeteve. Për arsye hetimore, policia thotë se nuk bëhen me dije të dhëna të tjera.