Kamioni del nga rruga në aksin Elbasan-Peqin, lëndohet drejtuesi

Një aksident është regjistruar mëngjesin e sotëm në aksin Elbasan-Peqin.

Një mjet i tonazhit të rëndë tip kamion ka dalë nga rruga pranë fshatit Pajovë, dhe për pasojë ka marrë dëmtime të lehta drejtuesi.

I plagosuri po transportohet për në spitalin e Elbasanit dhe mësohet se ndodhet jashtë rrezikut për jetën.

Nga të dhënat paraprake dyshohet se shkak i aksidentit të jetë bërë humbja e kontrollit nga drejtuesi i mjetit.