Kandidate e PD-së në Elbasan, Flutura Açka: Basha më tha nëse jam gati që t’i shërbej demokracisë

Për Tempora nga Sonila Meço në RTV Ora, shkrimtarja Flutura Açka foli se si e mori vendim e saj për tu bërë pjesë e zgjedhjeve të 25 prillit si kandidate me PD-në.

Açka: Unë kam qenë e përfshirë në një sens, sepse kam qenë shumë afër qysh në vitin 1990, por nuk ka qenë e përgatitur. U bënë shumë arsye bashkë që arrite në këtë vendim. Kur e kam takuar për herë të parë Basha më tha nëse jam gati që t’i shërbej demokracisë.

Ka qenë një vendim mendoj në kohën e duhur. Mendoj se është jnë vendim i drejtë dhe këtë do ta vlerësojnë votuesit. Ne kemi qenë këtu, por ne jemi përballur me një mur të fortë. Unë kam qenë gjithmonë e angazhuar, por duket se shoqëria civile nuk ka arritur që të shkundë qytetarët.