Kandidatët e PS për zgjedhjet, 2 gra dhe 3 burra. Njëri nuk është i PS-së

Partia Socialiste ka zyrtarizuar në mbledhjen e Kryesisë që u mbajt këtë mbrëmje, emrat e kandidatëve me të cilët do të jetë pjesë e garës së 6 marsit për zgjedhjet e pjesshme lokale, për 6 bashkitë e vendit. Për bashkinë e Lushnjes ka ende diskutime dhe emri do të vendoset në javën që vjen.

Drejtuesi politik i PS për qarkun e Dibrës, Ulsi Manja, tha se kandidati Rrahim Spahiu nuk është pjesë e PS-së, por një figurë me aftësi menaxheriale që i duhet kësaj bashkie.

”Për Bashkinë Dibër kemi propozuar emrin e Rrahim Spahiut, 55-vjeç, me karrierë të gjatë në administratën publike dhe atë bankare. Është një person jashtë PS-së, është qytetar i Dibrës dhe i kemi ofruar një kandidat me aftësi menaxheriale”.

PS nuk ka suprizuar shumë me kandidatët.