Kaos dhe flakë në Kuvend, Çollaku: PD ndan shqetësimin me partnerët amerikanë dhe britanikë

Nënkryetari i PD-së së vulës, Kreshnik Çollaku thotë se në emër të grupit të Bashës, ndan shqetësimin me partnerët amerikanë dhe britanikë, se mosfunksionimi i përsëritur i Parlamentit, vërejtur gjatë muajve të fundit, nuk është në interes të Shqipërisë.

”Situata në Parlament është në interesin e dy personave që duan të mbajnë peng Shqipërinë, njëri që i fshihet drejtësisë dhe tjetri që kërkon t’i ikë përgjegjësisë për situatën ekonomike dhe aferat korruptive ku është zhytur qeveria e tij. Prandaj, në marrëveshje me njëri-tjetrin, në seanca ofrojnë shfaqje të tilla, ndërsa fshehurazi shkojnë në komisionet e Lindita Nikollës. Siç u pa dhe në seancën e fundit, shqiptarët u privuan nga mundësia për të kuptuar se çfarë ndodh me paratë e tyre, si do të përdoren ato në buxhetin e ardhshëm, apo çfarë marrëveshje ka bërë Edi Rama për refugjatët”, nënvizoi Çollaku.

Po ashtu ai tha edhe se Edi Ramës nuk i intereson të japë llogari. ”Edi Ramës dhe Sali Berishës nuk u intereson Vetting-u në politikë, as hapja e listave dhe as vota e diasporës. Edi Ramës dhe Sali Berishës u intereson kaosi për të mbijetuar në politikë”, përfundoi Çollaku.