Kapen 10 kg kokainë e pastër, ja si u zbulua

Kur e ndaluan policët, u tha se nga Gjermania po kthehej në Shqipëri.

Kontrolli i makinës zbuloi se nuk kishte asnjë bagazh në makinën e tij “VW Polo”.

Këtu lindën dyshimet e para të karabinierëve të Veronas.

Më pas i riu shqiptar, emri i të cilit nuk është bërë i ditur, kishte nisur të acarohej, duke shtuar edhe më shumë dyshimet e policisë, që ka bërë shoqërimin e tij bashkë me makinën në kazermë.

Aty është zbuluar edhe shkaku.

Shqiptari kishte në makinë 10 kilogramë kokainë të pastër me një vlerë prej të paktën 1 milionë eurosh.

Droga është gjetur fshehur në sedijen e shoferit dhe të pasagjerit dhe ishte e ndarë në 10 pako nga 1 kilogramë secila dhe e mbështjellë me natriban.

Pas arrestimit të të riut shqiptar, policia italiane ka nisur hetimet për të zbuluar organizatën për të cilën punonte ai.