Kapet arsenal armësh; 3 të arrestuar

Një arsenal armësh dhe municionesh luftarake është sekuestruar në Laç. Gjatë një operacioni të koduar “Shinat”, policia ka arrestuar edhe 3 zotëruesit e armëve.

Bëhet fjalë për 50-vjeçarin Gëzim Koliqi, 25-vjeçarin Enerik Koliqi dhe 23-vjeçarin Hasan Koliqi.

Gjatë kontrollit të ushtruar në banesën e tyre u gjetën dhe sekuestruan në cilësinë e provës materiale një kundërtank, një automatik model 56 me një krehër me 29 fishekë, një armë gjahu, një pushkë model 63 dhe 1320 fishekë model 56.