Kapet i riu shqiptar në Gjermani me 7.5 kg kokainë

Një 26-vjeçar shqiptar ka rënë në prangat e policisë në Gjermani, pasi është kapur me lëndë narkotike në makinë.

Gjatë kontrollit në mjetin BMW 535 xDrive, policia i gjeti të riut 7.55 kilogramë kokainë në një vend të sajuar bagazh, shkruajnë mediat gjermane.

Në kuadër të kontrollit, oficerët zbuluan më pas një vendstrehim profesional që ishte krijuar posaçërisht për të fshehur lëndë narkotike në bagazhin e automjetit.

Më pas, ai u arrestua përkohësisht dhe pas marrjes së masave policore iu dorëzua doganës së Essen për procedim të mëtejshëm. Vlera e lëndës narkotike është 550 mijë euro.