Karkalecë të ardhur nga Ekuadori në Vlorë, Artan Hoxha: Cilësia mbi 93-94%

Këtë herë jo për drogën e ardhur nga Ekuadori, por për karkalecat e ardhur nga ky vend, ka shkruar gazetari i kronikës Artan Hoxha.

Në një postim në Facebook, Hoxha tregon krah një fotoje ku shihet dhe vendprodhimi i karkalecave, se kamerieri e kishte lavdëruar karkalecin e ardhur nga Ekuadori për cilësinë. E sipas gazetarit, i cili shkruan me humor se çdo që vjen nga atje ka cilësi mbi 93-94%, djali nuk e kishte gënjyer, pasi ishte futur vetë në kuzhinë dhe e kishte vërtetuar këtë gjë.

”Djemtë e Velçes kanë ikur në Ekuador”,-i ka thënë kamerieri dhe si përfundim Hoxha thotë se më mirë do të konsumojë një misër të pjekur.