Kasaphana me vrasje/ Rama thërret me urgjencë ministrin Çuçi dhe drejtues të policisë: Ristrukturimi do të bëhet tani

Nisur nga situata e rënduar e rendit me vrasje të frikshmë pothuajse çdo ditë, nga Vlora kryeministri Edi Rama paralajmëroi një ristrukturim të punës në Ministrinë e Brendshme apo në Policinë e Shtetit.

Rama kërkoi nga gazetarët që të largohej më shpejt, pasi kishte thirrur ministrin e Brendshme Çuçi dhe disa drejtues të policisë.

“Tani do më duhet të largohem sepse kam thirrur me urgjencë ministrin e Brendshëm dhe disa drejtues të policisë, sepse do të lançojmë sa më shpejt fazën e re të ristrukturimit por që për arsye të mirëkuptueshme të përshpejtohet me disa javë”, tha Rama.