Këlliçi për akuzën ndaj Berishës: Mesazh për të thënë se PD e ka të pamundur të vijë në pushtet

Drejtuesi politik i Tiranës, ish-deputeti Belind Këlliçi ka lëshuar akuza të ashpra ndaj SPAK, pasi kjo e fundit i komunikoi akuzën Sali Berishës në lidhje me procesin e privatizimit të ish-kompleksit “Partizani”. Këlliçi nënvizon se me komunikimin e kësaj akuze u dha mes të tjerash dhe një mesazh se PD e ka të pamundur të vijë në pushtet. ”Ky standard aplikohet mbi një ish-kryeministër, liderin e opozitës. Të mbash të izoluar për 254 ditë kreun e opozitës është kurajo e madhe. Pritej kjo manovër para zgjedhjeve. U bë për të turbulluar opinionin për të dhënë një mesazh se PD e ka të pamundur në këto kushte. Por ne jemi të vendosur për t’i shkuar deri në fund nevojës së shqiptarëve për ndryshim”.