Këlliçi: Të rinjtë e partisë Popullore Europiane krah kauzës së opozitës

Kreu i FRD-së, Belind Këllici reagon pas deklaratës së Organizatës së të Rinjve të Partisë Popullore Europiane, të cilët shprehin shqetësimin e thellë për situatën politike në Shqipëri dhe gjendjen e demokracisë në vend. ”Sot rinia shqiptare është në këmbë për të çuar në fund atë që nisen të rinjtë në vitet 90, Shqipërinë si gjithë Europa. Rinia europiane është me ne. YEPP e tha qartë se rinia europiane e njeh fort mirë realitetin që nuk fshihet dot më pas fasadave dhe lobisteve qeveritare. Ata janë në krahun tonë e ne nuk do të ndalemi derisa të arrijmë ato standarde që gëzon sot rinia europiane”,-shkruan Këlliçi

Postimi i plotë 

Ne emer te FRPD dua te pershendes dhe t’i shpreh mirenjohjen e thelle organizates se te rinjve te Partise Popullore Europiane, per mbeshtetjen e treguar ndaj kauzave te drejta mbi te cilat shqiptaret jane ngritur ne gjithe vendin, kauza qe ne fakt lidhen me themelet mbi te cilat jane ndertuar e funksionojne demokracite perendimore, sic eshte vota e lire.

Te rinjte europiane kane treguar qarte se nuk mund te kete avancim ne rrugen drejt Europes per vende qe nuk garantojne voten e lire, e aq me teper ku shitblerja e votes eshte projekt politik i kryeministrit te vendit. Me fakte te pakundershtueshme, qe qendrojne ne zyren e prokurorit te pergjithshem te zgjedhur vetem me votat e Edi Rames, eshte bere e qarte per cdo shqiptar e nderkombetar skema e shitblerjes se votes, ne partneritet te ngushte te politikaneve te larte te mazhorances me krimin e organizuar.

Kush ka sy te shohe e veshe te degjoje, e kupton qe Edi Rama ka armik cdo standard demokratik, pasi ai e ka kthyer qeverisjen ne sherbim te pasurise se tij dhe miqve te tij, duke shtuar varferine dhe mjerimin kudo ne vend.

Shqiperia sot renditet nder vendet me te korruptuara ne bote. Shqiperia eshte rast unikal ne bote ku gjithfare krimineli, trafikanti e perdhunuesi, u fut ne parlament dhe u vu ne krye te pushtetit lokal. Rinia shqiptare nuk mund ta pranoje kurre nje model te tille, ku intelektuali detyrohet te emigroje, e krimineli perzgjidhet per te na qeverisur.

Ne do ta rrezojme kete model. Sot rinia shqiptare eshte ne kembe per te cuar ne fund ate qe nisen te rinjte ne vitet 90, Shqiperine si gjithe Europa. Rinia europiane eshte me ne. YEPP e tha qarte se rinia europiane e njeh fort mire realitetin qe nuk fshihet dot me pas fasadave dhe lobisteve qeveritare. Ata jane ne krahun tone e ne nuk do te ndalemi derisa te arrijme ato standarde qe gezon sot rinia europiane!