Këto janë zonat ku do bjerë shi sot, ja kur nis vjeshta e vërtetë

Pas rënies së temperaturave me disa gradë këtë javë, sinoptikanët parashikojnë një rritje të lehtë të tyre me 2 gradë C gjatë ditës së shtunë dhe të diel dhe ditës së parë të javës së ardhshme.

Kushtet e motit parashikohen të përkeqësohen ditën e martë, si pasojë e masave te ftohta ajrore që do të vijnë nga veriperendimi i Europës, të cilat do të sjellin ulje të ndjeshme të temperaturave dhe rreshje intensive shiu.

Fundjava e ardhshme, e cila përkon me ditët e para të muajit nëntor, parashikohet të jetë e ftohtë, pasi vlerat e temperaturave do të jenë në rënie gjatë gjithë këtyre ditëve.

E shtunë, 27 tetor:

Moti do të jetë me vranësira mesatare deri të dendura të pasura nga reshje shiu në veriperëndim dhe jugperëndim të vendit. Era do të jetë me drejtim jugperëndim me shpejtësi 10 -20 m/sek në bregdet.

Valëzimi do të jetë i forcës 4-5 me lartësi vale 1,5 deri në 2,0 metër në det të hapur. Temperaturat do të jenë me rritje.

Temperaturat min dhe max
Zonat malore         7/21°C
Zonat e ulëta          12/26°C
Zonat bregdetare   14/26°C