Kevin McCarthy zgjidhet kryetar i Dhomës së Përfaqësuesve të SHBA

Kevin McCarthy u zgjodh kryetar i Dhomës së Përfaqësuesve në orët e para të mëngjesit të sotëm, një fitore e madhe për republikanin e Kalifornisë.

U deshën 15 raunde votimi që McCarthy të fitonte detyrën, pavarësisht se partia e tij kishte shumicën në dhomë.

Për të siguruar postin, udhëheqësit të republikanëve në Dhomën e Përfaqësuesve McCarthy-t iu desh të hiqte dorë nga kundërshtimi i një blloku konservatorësh në atë që u bë gara më e gjatë në 164 vjet. McCarthy dhe aleatët e tij bënë një sërë lëshimesh për konservatorët, një lëvizje që mund ta bëjë më të vështirë për mazhorancën e re që të qeverisë në mënyrë efektive.

Duke folur pas konfirmimit të tij, McCarthy shkroi në Twitter: “Shpresoj që një gjë të jetë e qartë pas kësaj jave: Unë kurrë nuk do të dorëzohem. Dhe nuk do të dorëzohem kurrë për ju, popullin amerikan.”

Presidenti i SHBA Joe Biden e përgëzoi zotin McCarthy për fitoren e tij dhe tha se mezi priste të bashkëpunonte me Partinë Republikane. “Populli amerikan pret që liderët të qeverisin në një mënyrë që vendos nevojat e tyre mbi gjithçka tjetër dhe kjo është ajo që ne duhet të bëjmë tani,” tha ai.

Ndërsa republikanët e kthejnë vëmendjen në zbatimin e agjendës së tyre, lufta me të cilën u përball McCarthy mund të shërbejë si një prej sfidave me të cilat ai do të përballet në përpjekjen për të bashkuar anëtarët e tij në të ardhmen.