Kishte dalë për të kullotur bagëtitë, 55-vjeçarja në Pukë gjendet pa shenja jete

Një ngjarje e rëndë është shënuar në fshatin Kabash të Pukës. Mësohet se një grua 55-vjeçare, që kishte dalë për të kullotur bagëtitë, është gjendur pa shenja jete. Paraprakisht dyshohet se ka rrëshqitur si pasojë e terrenit të vështirë dhe ka humbur jetën.

“Pukë/Informacion paraprak

Rreth orës 19:10, shtetasi N. D., ka njoftuar sallën operative se në territorin e fshatit Kabash, ka gjetur pa jetë  shtetasen R. D., 55 vjeçe (nusen e xhaxhait) e cila kishte dale për të kullotur bagëtitë e imta.

Paraprakisht dyshohet se shtetasja Regjina Deda, ka rrëshqitur si pasojë e terrenit të vështirë dhe ka humbur jetën.

Grupi hetimor po punon për sqarimin e rrethanave  dhe dokumentimin ligjor të rastit”, njofton policia.