Kjo është Flutura Basha, viktima e pafajshme e atentatit në Shkodër

56-vjeçarja Flutura Basha humbi jetën në atentatin ndaj Hamza Licit dhe Arlind Bushatit mbrëmjen e djeshme në Dobraç të Shkodrës.

Flutura Basha ishte viktima e pafajshme e këtij atentati, e cila po udhëtonte me motor bashkë me bashkëshortin e saj, në momentin kur atentatorët kanë qëlluar në drejtim të makinës në të cilën po lëviznin Hamza Lici dhe Arlind Bushati.

Mjeti i tyre më pas është përplas me motorin e çiftit Basha, duke lënë të vdekur Fluturën. Ndërkohë, bashkëshorti i saj Bashkim Basha është në gjendje të rëndë në spital.