Kledi Kadiu surprizon nxënësit e Kamzës te zyra e Lali Erit (FOTO)

Artisti dhe balerini shqiptar i mirënjohur në Itali, Kledi Kadiu ka surprizuar nxënësit e Kamzës.

Nxënësit e Kamzës që kishin ardhur për vizitë në Bashkinë e Tiranës, patën mundësi të takonin e zhvillonin bisedë me Kadiun. Lajmi është bërë i ditur nga kryetari i Bashkisë së Tiranës, Erion Veliaj i cili ka thënë që Kledi Kadiu po nderon Shqipërinë jashtë kufijve të saj.

“Kledi Kadiu është jo vetëm një artist i shkëlqyer, por dhe një super djalë e shok i mirë që nderon Shqipërinë e gjithë shkollën tonë të artit! Forca lal”,-thotë Veliaj.

Balerini i njohur është larguar në Itali në muajin gusht të 1991 dhe ka ndërtuar karrierën e tij atje, ku edhe njihet si një nga balerinët më të dashur dhe talentuar të programit “Amici” në Itali.