Klosi: Arsimi profesional, ju garanton punësim

Orientimi i të rinjve drejt zanateve është në fokus të ministrit të Mirëqenies Sociale dhe Rinisë.

Ministri Blendi Klosi tha sot se qeveria po u jep më shumë mbështetje financiare arsimit dhe shkollave profesionale.

“Tregu vendas ka nevojë për zanate. Arsimi profesional garanton punësim. Nuk ka traktoristë. Kërkohen sot 9 mijë traktoristë dhe nuk ka të tillë. Diplomat e shkollave profesionale do të jenë të ekuivalentuara. Çdo i ri që zgjedh një zanat, mund të punësohet në çdo vend të Europës”, tha Klosi.