Klosi dhe Gjiknuri, fushatë pastrimi në ishullin e Sazanit. Në vend të Dritan Lelit shfaqet zëvendëskryetarja

Ministri i Turizmit Blendi Klosi dhe deputeti i Vlorës, Damian Gjiknuri, ishin sot në ishullin e Sazanit për fushatën e pastrimit.

Në aktivitet ra në sy sërish mungesa e kryetarit të bashkisë Dritan Leli, i cili duket i përjashtuar nga çdo aktivitet që lidhet me qytetin.

Gjiknuri duket se është i radhës nga socialistët që sulmon kryetarin e bashkisë Vlorë, ku shprehet se turistët janë të pakënaqur nga puna në qytet.

Kur u pyet për mungesën e kryebashkiakut, Gjiknuri tha se është e pranishme zëvendëskryetarja e Bashkisë, e cila ka po të njëjtën vlerë me kryetarin.