Koalicioni ABEOK kërkesë në KQZ: Na pajisni me vendimin për votimin e emigrantëve
Aktualitet E Diel, 9 Maj 2021 20:27
Koalicioni ABEOK (Aleanca Ora Kombëtare-Emigracioni- Bashkimi Popullor dhe Konservatorët) ka bërë kërkesë ankimore në Komisionin Qendror të Zgjedhjeve. Ata kërkojnë të pajisen me vendimin e Komisionit për votimin e emigrantëve në zgjedhjet e 25 prillit.
ABEOK sqaron se një kërkesë të tillë e kanë bërë edhe më herët, por nuk kanë marrë asnjë përgjigje.
“Kërkojmë nga komisioni Qendror i Zgjedhjeve të na pajisë me vendimin e komisionit Qendror të Zgjedhjeve për votimin e shqiptarëve jashtë vendit. Kërkojmë nga komisioni Qendror i zgjedhjeve edhe herë të tjera për problemin si më sipër dhe nuk kemi marrë përgjigje zyrtare nga ana e institucionit tuaj”, thuhet në kërkesën e ABEOK.
