Kodheli: Ballkani Perëndimor ka garanci, shqiptarët janë faktorë stabiliteti

Zv/presidentja e Asamblesë Parlamentare të NATO, Mimi Kodheli, thotë se Ballkani Perëndimor ka garanci, por kjo nuk do të thotë që të mos qenë i vëmendshëm. Po ashtu ish-ministrja e Mbrojtjes theksoi se shqiptarët janë faktor stabiliteti për rajonin tonë.

“Ballkani Perëndimor ka garanci, por kjo nuk do të thotë të mos e kemi mendjen në mësim.

Kjo nuk do të thotë që nuk duhet të jemi të vëmendshëm ndaj ngjarje, por nga ana tjetër, ne duhet ta sigurojmë Ballkanin që shqiptarët janë një faktor stabiliteti.

Kjo duhet të na bëjë nder dhe na bën nder. Ne dimë të marrim vendimmarrjen e duhur në momentin e duhur dhe të jemi në anën e duhur të historisë”.