Kolapsi i gjykatave në vend
Aktualitet E Mërkurë, 13 Tetor 2021 15:17
Vetting-u apo dhe dorëheqjet, kanë shkaktuar kolaps në gjykatat e vendit. Shumica e gjykatave në vend kanë më pak gjyqtarë se ç’duhej të kishin.
Gjykata Administrative e Apelit duhet të kishte 13 gjyqtarë, por aktualisht ka vetëm 6 gjyqtarë. Në këtë gjykatë janë gjithsej 15 000 dosje të mbartura. Një gjyqtar i kësaj gjykate ka mesatarisht 2500 dosje në shqyrtim.
Gjykata e Apelit e Tiranës duhej të kishte 31 gjyqtarë, por aktualisht ka vetëm 6 gjyqtarë në punë. Gjykata e Korçës ka 4 gjyqtarë në detyrë, nga 14 që duhet të kishte normalisht.
