Komisioneri Varhelyi, mesazh Ramës: Do ishte mirë të prisnit Komisionin e Venecias

Komisioneri i BE për Zgjerimin, Oliver Varhelyi i është përgjigjur Ramës duke deklaruar se do të ishte lëvizje më e matur nëse mazhoranca pret opinionin e Komisionit të Venecias për ndryshimet në Kodin Zgjedhor, para se të votojë dekretet në Kuvend.
Varhelyi i rikujton Ramës se do të ishte e matur të pritjes opinioni nga Komisioni përpara rivotimit në Parlament.
“Kodi zgjedhor i Shqipërisë: I kënaqur që Kryeministri mirëpret mendimin e Komisionit të Venecias për korrikun e ndryshimeve kushtetuese. Prandaj do të ishte e matur të presim që të dorëzohet para rivotimit në Parlament. Pres zgjedhje të lira dhe të ndershme në prill 2021”,- shprehet Oliver Varhelyi.
Ripërsëritja e deklaratës së eurokomisionerit vjen pak minuta para nisjes së mbledhje së Komisionit të Ligjeve ku pritet të rrëzohet dekreti i presidentit dhe të rimiratohen ndryshimet e Kodit Zgjedhor të 5 tetorit. Një ditë më parë, eurokomisioneri Verhelyi i ka bërë thirrje që kuvendi të presë, por kryeministri Edi Rama dhe shumica socialiste kanë deklaruar se do të miratojnë ndryshimet në Kod, pa humbur kohë dhe pa pritur opinionin e KV-së.

#Albania electoral code: Pleased that Prime Minister welcomes Venice Commission opinion on July Constitutional changes. It would therefore be prudent to wait it’s delivered before the revote in the Parliament. I look forward to free and fair elections in April 2021.

— Oliver Varhelyi (@OliverVarhelyi) October 27, 2020

Mendimi i Venecias është gjithnjë i mirëseardhur, por për një ligj të votuar dhe të refuzuar nga Presidenti, procedura është e qartë: Refuzimi i Presidentit pranohet ose rrëzohet nga parlamenti! PARLAMENTI DO TË RISHPREHET PA HUMBUR ASNJË DITË!

— Edi Rama (@ediramaal) October 26, 2020