Komisioneri Varhelyi: Reforma zgjedhore është kusht për negociatat
Komisioneri Evropian për Zgjerimin dhe Fqinjësinë, Oliver Varhelyi, ka mbrritur sot në Tiranë për prezantimin e progres raportit të Shqipërisë. Në fjalën e mbajtur në Kuvend, Varhelyi u shpreh se vendi ka ecur para me reformat.
Duke folur për ndryshimet në Kodin Zgjedhor, komisoineri u shpreh se reforma zgjedhore është kusht për konferencën e parë ndërqeveritare Shqipëri-BE.
“Vendi juaj ka përparim vendimtar dhe është pranë plotësimit të kushteve që duhen përmbushur. Më lejoni të përgëzoj institucionet e Vettingut për punën e madhe dhe tërsore që kanë bërë. Si komisioner kam mirëpritur marrëveshjen e 5 qershorit. Më lejoni të jem i qartë, reforma zgjedhore është kusht për konferencën e parë ndërqeveritare, Shqipëria duhet të ruajë kursin e reformave. Vijimësia e këtyre reformave do të jetë shumë e rëndësishme”- tha komisioneri për Zgjerimin në fjalën e mbajtur në Parlament.
AXHENDA E KOMISIONERIT VARHELYI:
16:00 -Fjala përshëndetëse në Parlament
16:45 -Takim me organet e Vettingut
17:15 -Takim me kryeministrin Edi Rama
18:00 -Konferencë për shtyp me kryeministrin Rama
18:45 -Takim me presidentin Ilir Meta
19:30 -Takim me kryetarin e PD-së Lulzim Basha