Konferenca e donatorëve, Balla: Mirënjohje BE për solidaritetin

Kryetari i Grupit Parlamentar të Partisë Socialiste, Taulant Balla ka reaguar pas deklaratës së Presidentes së Komisionit Europian Ursula Von der Leyen, e cila njoftoi mbajtjen e Konferencës Ndërkombëtare të donatorëve me 17 shkurt për të ndihmuar në procesin e rindërtimit të Shqipërisë pas tërmetit të 26 nëntorit.

Përmes një postimi në rrjetin social facebook, Balla ka shprehur mirënjohjen për institucionet e Bashkimit Europian dhe vendeve anëtare për solodaritetin e treguar me Shqipërinë pas tërmerit shkatërrues të mëngjesit të 26 nëntorit.

Postimi i plotë i Taulant Ballës:

Presidentja e Komisionit Europian Ursula Von der Leyen ka njoftuar sot mbajtjen e Konferencës Ndërkombëtare të donatorëve për të ndihmuar në procesin e rindërtimit të Shqipërisë pas tërmetit shkatërrues të 26 nëntorit. Kjo Konferencë e rëndësishme do të zhvillohet më 17 shkurt 2020 në Bruksel. Mirënjohje institucioneve të Bashkimit Europian dhe vendeve anëtare për solidaritetin me Shqipërinë??????