Kongresi i PS, sot votohet për ndryshimin e statutit

Këtë të shtunë, Partia Socialiste zhvillon ditën e dytë të Kongresit. Fokusi do të jetë tek arritjet e qeverisë por edhe sfidat. Në ditën e dytë të sesionit të punimeve do të votohet për ndryshimin e statutit, e gjithashtu do të bëhet publike dhe axhenda e partisë deri në vitin 2020. Nga ky Kongres do të dalin dhe anëtarët e rinj të Asamblesë Kombëtare. Ky Kongres tre ditor i socialistëve, do të pasohet nga protesta e paralajmëruar e presidentit Ilir Meta i cili ka ftuar në 2 mars shqiptarët në shesh për “Kushtetutën dhe për Shqipërinë”.