Kontrolle në Durrës e Tiranë, priten sërish arrestime

Vazhdojnë hetimet pas tërmetit të rëndë të 26 nëntorit. Një ditë më parë, policia dhe prokuroria njoftuan arrestimin e disa personave.

Ndërkohë të dielën u raportua se vazhdon aksioni. Sipas ABC News, po vazhodjnë kontrollet për të gjetur personat e shpallur në kërkim.

Uniformat blu janë duke kryer kontrolle në Tiranë edhe rrethinat përreth Durrësit.

Ndërkohë priten të tjera arrestime, pasi grupi i posaçëm vijon veprimet proceduriale për gumbulimin e provave për persona të tjerë pergjegjës.

Po ashtu po kryhen hetime dhe për dekonspirim të mundshëm.

Grupet e hetimit për tërmetit kanë firmosur 17 urdhër-arreste për persona të dyshuar se me veprimet ose mosveprimet e tyre kanë ndikuar në rritjen e numrit të të vdekurve nga tërmeti i 26 nëntorit. Mes të arrestuarve janë zyrtarë dhe ish-zyrtarë.

Të ndaluarit

Ahmet Doda, drejtori i Konvaleshencës

Kujtim Hasa, nëndrejtori i Konvaleshencës

Arben Isaku, nendrejtor i Kadastrës dhe ish drejtor i ALUIZN-it

Arben Qato, kolaudator dhe pronar i ‘Palma’

Dëshira Qato, bashkëpronare te ‘Palma’ dhe ish- drejtuese e urbanistikës në bashkinë Kavajë

Artur Terziu, pronar i Baron’s, i cili ka prishur kolonat te pallati i para viteve ’90 te lagjia 6 ku humbën jetën 2 gra,

Aldo Dekavelli, zyrtar në Kadastër

Flamur Gjuzi, ish-drejtor i Aluiznit nuk është kapur ende.

Artur Çela, ish-drejtues i INUK

Ruzhdi Xheka, pronar i Mira Mare Hotel