Koordinatori i LSI: Përmbytje nga jugu në veri, çarteri i Kryeministrit ngeli në ajër

Përmes një postimi në Facebook koordinatori i LSI për Tiranën, Aldi Fusha shkruan se në një kohë kur ka përmbytje jugu në veri, kryemministri shëtit me çarter.

Postimi i plotë:

Nuk besoj se ka ndonjë militant që beson se KM në detyrë ka marrë rolin e ndërmjetësit të OKB për të negociuar paqen historike Turqi-Greqi. Kryeministri shëtitës bën mirë të merret me hallet e bahçes së tij, sepse për këtë e merr rrogën nga taksat tona.

Përmbytje nga jugu në veri, koncesione portesh ndaj kompanive të regjistruara në parajsa fiskale dhe gjyqe arbitrazhi të humbura në seri , po e fundosin keq ekonominë shqiptare. O Zot bëje ëndërr, thotë Kryerilindasi ndërkohë që i shëtit çitjanet e tij në aksin Ankara-Athinë.

Vendi gjendet nën ujë, ndërkohë që lajmet për koncesionet e portit të Durrësit dhe Vlorës janë subjekt hetimi për SPAK-un.   Ne nuk po jetojmë keqqeverisje, ne po jetojmë mungesë qeverisjeje. Ne po sundohemi.

25 prilli po afron për t’ia kthyer pushtetin qytetarit. Çdokush nga ne ka të drejtë të jetojë i barabartë, me mundësi të barabarta dhe benefite të barabarta. Çarteri i KM ngeli në ajër, aty të rrijë!

Me 25 prill votojmë me këmbë në tokë për ta bërë Shqipërinë, shtëpinë tonë!