”Kopjohet” nisma e Veliajt, FA-të mbjellin pemë në Berat (FOTO)

Nisma e Bashkisë së Tiranës për të mbjellur 100 mijë pemë në kryeqytet, është ”kopjuar” nga Ministria e Mbrojtjes.

Gjatë zhvendosjes të kabinetit qeveritar në Berat, ministrja e Mbrojtjes, Olta Xhaçka së bashku me FA-të, me kontributin e këtyre të fundit, kanë mbjellë pemë në shkollën e mesme ”Shyqyri Lakra”.

Vetë ministrja e ka bërë me dije këtë nismë që nisi në Berat, ku në fotot e postuara në rrjetin e saj social facebook, ka shkruar se: ”Ministria e Mbrojtjes dhe FA do të vijojnë të kontribuojnë në gjithë vendin, për të mbrojtur tokën me të njëjtin përkushtim siç FA mbrojnë kufijtë dhe jetën e qytetarëve shqiptarë”.

R.Sh

Statusi

Kushdo që ka vizituar bazat apo repartet tona ushtarake, me siguri ka vënë re dy elementë shumë domethënës, rregulli dhe gjelbërimi. Me djemtë e batalionit të Poshnjës, sot mbollëm dhjetra pemë në shkollën e mesme “Shyqyri Lakra”. Veç Beratit, Ministria e Mbrojtjes dhe FA do të vijojnë të kontribuojnë në gjithë vendin, për të mbrojtur tokën me të njëjtin përkushtim siç FA mbrojnë kufijtë dhe jetën e qytetarëve shqiptarë.