Korab Lita: Seanca e sotme ngjason me shprehjen ”Hajduti thotë kap hajdutin”

Deputeti Korab Lita ka kritikuar ashpër të gjithë klasën politike në vend, ndërsa tha se të gjithë aktorët po tentojnë të sabotojnë me çdo kushte reformën në drejtësi.

Sipas tij, është kjo klasë politike e cila e ka tërhequr zvarrë Shqipërinë përgjatë tre dekadave. Ai shtoi se rrënjët e krizës së sotme janë mbjellë 11 vite më parë, kur palët ndryshuan me konsensus kushtetutën brenda natës në prill të 2008.

“Kjo seancë ngjason me atë shprehjen popullore: Hajduti thotë kap hajdutin”. Çfarë mund të presësh më shumë nga kjo klasë politikë, e cila prej 30 vitesh e tërheqin zvarrë Shqipërinë. Kjo ndodhi edhe në prill të 2008, brenda një nate u ndryshua Kushtetuta dhe kjo është zanafilla e asaj që në po përjetojmë sot. Kanë kalur mbi 5 vjet dhe akoma do të vazhdohet me sabotimin e reformës në drejtësi, por durimit të shqiptarëve po u vjen fundit. Presidenti i pari po kontribuon për bllokimin e institucioneve. Kështu e duan sot Shqipërinë, pa institucione”,- tha ai.