Korçë, “Prita” e policisë çon katër trafikantë në pranga
Aktualitet E Mërkurë, 14 Prill 2021 23:35
Katër persona përfunduan në prangat e policisë, gjatë operacionit antidrogë “Prita”, operacion që u mbyll me sukses në Korçë.
Nga ky operacion, policia tha se u sekuestruan 880 kg kanabis sativa.
Lënda narkotike ishte e ambalazhuar në 30 thasë dhe u zbulua në afërsi të fshatit Dushar të Maliqit, ku edhe ishte gati për transport.
Për trafikun e lëndës narkotike, u arrestuan si autorë shtetasit: Mario Voda, Skënder Nakoleci, Bledar Emini, Marsel Bakollari, të katër banues të zonës.
Bimët narkotike u gjetën në 30 thasë dhe u asgjësuan me djegie.
