Korçë, rënia nga skela rezulton fatale për një punëtor ndërtimi

Një punëtor ka humbur aksidentalisht jetën paraditen e sotme në qytetin e Korçës.

Punëtori ishte duke punuar për rikonstruksionin e një godine.

Autoritetet lokale njoftojnë se 55-vjeçari po punonte në skelë, kur papritur ka humbur ekuilibrin dhe ka rënë nga 4 metra lartësi duke gjetur vdekjen e menjëhershme.

Godina që po i nënshtrohet rikonstruksionit ndodhet pranë sanatoriumit, saktësojnë burimet, të cilat shtojnë se viktima është identifikuar, si shtetasi Sofokli Katro.