Korçë, “Volkswagen” përfshihet nga flakët në ecje

Një automjet është përfshirë nga flakët në aksin nacional Bilisht-Korçë.

Ngjarja ka ndodhur në vendin e quajtur “Ura e trenit”, rreth orës 18:35 minuta.

Forcat zjarrfikëse bënë të mundur shuarjen e flakëve që përfshinë mjetin tip “Volkswagen”, në pronësi të shtetasit K.Z.

“Shërbimet e Zjarrfikëses, kanë bërë shuarjen e zjarrit, i cili paraprakisht dyshohet te ketë rënë për shkaqe aksidentale”, sqaron policia.

Grupi hetimor po punon për përcaktimin e shkaqeve të rënies së zjarrit dhe zbardhjen e rrethanave të ngjarjes.