Koronavirusi në Shqipëri, Rama bën thirrje: Ilaçi më efektiv vetëpërmbajtja dhe qetësia

Kryeministri Edi Rama ka mbledhur sot qeverinë një mbledhje të jashtëzakonshme për koronavirusin.

Kjo mbledhje vjen pasi në mesnatë Ministria e Shëndetësisë konfirmoi dy rastet e para me koronavirus, dy shqiptarë të cilët kishin qenë për disa kohë në Itali nga ku ishin infektuar.

“Kemi përgatitur edhe hyrjen në skenarin e parë, që ishte parapërgatit nga ekspertët. Receta e më e gabuar ajo që buron nga paniku, ilaçi më efektiv arsyeja dhe qetësia. Duhet të informoheni nga burimet zyrtare dhe të zbatohen rreptësisht masat për higjienën vetiake.
Komunikimi me urgjencën kombëtare kur dyshoni për simptomat.

Sot që flasim kërkohet një përshkallëzim të parë masash sipas OBSH. Gjatë kësaj kohe ka pasur shenja shqetësuese të motivuara nga paniku, përmes burimesh të pacertifikuara për informim, ku e përsëris se zëri që duhet ndejkur është ai i autoriteteve.

Në të gjitha ato vende ku ka pasur qetësi dhe vetëpëmbajtje edhe fenomeni i këtij virusi është bërë me sukses. OBSH nuk rekomandon mbylljen e kufijve, e them këtë sepse është kritikuar mos bërja e kësaj gjëje.

Siç tregojnë eksperiencat e vendeve mbyllja e kufijve është masë drastike dhe nuk përdoret gjerësisht.

Planin e veprimit e kemi në tryezë, dhe sot futemi në skenarin e parë. Task forca ka punuar në mënyrë të pandërprerë dhe vazhdon punën për planin e masave në 3 drejtime:

Kufizimi, me qëllim parandalimin e përhapjes

Shtyrja në kohë e përhapjes

dhe lëhtësimi i pasojave që mund të sjellë infektimi.

Jemi në konsultim me OBSH dhe në këtë situatë, thelbësore është vetëpërmbajtja dhe qetësia si dhe zbatimi i orientimeve përkatëse.
Kemi vendos në dispozicion edhe financat përkatëse edhe një fond tjetër prej 400 mln lekësh, për të plotësuar disa nevoja të kësaj faze.
Me shumë rëndësi që kemi gjet mirëkuptimin e personelit mjekësor, është gati për këtë përballje e mirë informuar dhe e angazhuara”, tha Rama.