Korrupsioni me pronat, kush është drejtuesja e Agjencisë së Pronave që u shkarkua nga Rama

Ministri i Drejtësisë Ulsi Manja foli sot për zyrtarë të korruptuar të Agjencisë së Trajtimit të Pronave. Ai tha se drejtuesja e këtij institucioni Jonida Baçi u shkarkua para pak ditësh me propozim të atij vetë nga kryeministri Edi Rama.

“Kur flas për zyrtarë të lartë të Agjencisë së Trajtimit të Pronave, sigurisht e kam fjalën për drejtuesin e këtij institucioni, e cila është u shkarkuar para pak ditësh me propozimin tim nga kryeministri vetë, por edhe për zyrtarë të tjerë të nivelit drejtues në atë agjenci”, tha Manja.