Kosovë-Shqipëri, Aleanca Kuqezi proteston për miqësoren
Aleanca Kuq e Zi del kundër ndeshjes miqësore Kosovë-Shqipëri, që do të luhet sot në Prishtinë.
Anëtarë të Aleancës Kuq e Zi zhvilluan paradite një protestë para Federatës Shqiptare të Futbollit kundër ndeshjes miqësore Kosovë-Shqipëri.
Sipas tyre, “Kosovë-Shqipëri është një ndeshje armiqësore, që thellon ndarjen e kombit”.
Aleanca Kuq e Zi shprehet se, asnjë komb nuk mban 2 himne, 2 flamuj dhe 2 kombëtare dhe kështu duhet të veprojnë edhe Kosova e Shqipëria.
Ndeshjen e sotme miqësore, që starton në ora 14:00, Aleanca Kuq e Zi e quajti ndeshje “Kosovë-Kosovë”.