KPK shkarkon gjyqtaren e Kushtetueses, Altina Xhoxhaj

KPK ka vendosur shkarkimin e gjyqtares së Gjykatës Kushtetuese, Altina Xhoxhaj. Vendimi është bërë publik ditën e sotme. Sipas trupës gjykuese të KPK-së Altina Xhoxhaj nuk e kalon vettingun.

KPK arriti në konkluzionin se Xhoxhaj ka bërë deklarime të pavërteta dhe nuk justifikon burimin e të ardhurave të saj për apartamente e truall në Tiranë dhe te Gjiri i Lalzit, si dhe nuk justifikon shumën prej 4.4 milionë lekë.