KQZ del me rezultat paraprak, vetëm 30.33% morën pjesë në zgjedhjet e 6 bashkive

Komisioni Qendror i Zgjedhjeve ka zbuluar pjesëmarrjen paraprake deri në orën 19:00, 30.33%, kur edhe është mbyllur zyrtarisht votimi për zgjedhjet e pjesshme lokale që po zhvillohen në gjashtë bashki të vendit.

Në grafikun më poshtë të publikuar nga KQZ, bëhet edhe krahasimi i pjesëmarrjes së sotme në zgjedhje me ato të 25 prillit. Hendeku vazhdon të mbetet i madh. Bashkia ku pjesëmarrja është më e madhe është ajo e Dibrës, edhe pse larg pjesëmarrjes së zgjedhjeve të 25 prillit.