Kraja mesazh nga Belgjika për kriminelët: SPAK-u vendos shënjestër të re

Në një kohë që në vend flitet për bandat dhe mediat e huaja shkruajnë për kriminelët shqiptarë, nga Belgjika kreu i Prokurorisë së Posaçme, Arben Kraja, ka dhënë një sinjal për kriminelët. Sipas tij, SPAK-u është i vendosur që bashkëpunimin që ekziston me Prokurorinë Federale belge ta vazhdojë duke dhënë më shumë rezultate konkrete. Mesazhi duket se ishte i qartë për shqiptarët me precedent në Belgjikë.

Vendosja e kontakteve dhe bashkëpunimi ndërkombëtar ndërmjet prokurorive të posaçme është e domosdoshme për të arritur suksesin. Gjithashtu, u theksua fakti që lufta kundër krimit të organizuar ndërkombëtar dhe terrorizmit është një betejë e gjatë dhe e vazhdueshme, që duhet realizuar në bashkëpunim të ngushtë ndërmjet strukturave të zbatimit të ligjit.

Drejtuesi i SPAK-ut, po ashtu zhvilloi takime me personalitetet e ftuar dhe veçanërisht me drejtuesit e prokurorive prezente në takim, në kuadër të vendosjes së kontakteve të reja.