Kredi të buta në Lezhë, do të përfitojnë 100 familje të pastreha

Programi i kredive të buta do të hapet edhe në Bashkinë e Lezhës.

100 familje të pastreha do të përfitojnë subvencionim të kredisë nga Ministria e Financave.

Prioritet do të kenë çiftet e reja, familjet nga komuniteti rom dhe egjiptian, gratë kryefamiljare dhe ato të dhunuara.

Lajmi është bërë i ditur nga Nën Kryetarja e Bashkisë Lezhë Oljana Moriseni gjatë mbledhjes së Këshillit Bashkiak ku u miratua ngritja e komisionit të strehimit si dhe sistemi i pikëzimit për programet sociale të strehimit.

Oljana Moriseni N\kryetare e Bashkise Lezhe: Në përgjithësi për familjet me shtresë të mesme dhe kanë të ardhur financiare që është i përcaktuar sipas ministrisë. Prioritet kanë gratë kryefamiljare, ata që nuk kanë pasur asnjë shtëpi banimi.

Aplikuesit për të përfituar nga ky program strehimi duhet te dorëzojnë pranë zyrës së strehimit social në Bashkinë Lezhë dokumentacionin ligjor nga data 3 shkurt deri me 28 shkurt.