Emrat. Zgjidhen krerët e rinj të PS në Vlorë, Kurbin e Lezhë

Prej disa ditësh Partia Socialiste ka nisur zgjedhjet në degët e saj, përfshi dhe kryetarët e rinj të selisë rozë në qytete

Këtë të dielë janë zhvilluar votimet në tre degë të PS-së, në Vlorë, Kurbin dhe Lezhë.

Në Vlorë ka fituar sërish Anduel Tahiraj me një fitore të thellë ndaj Albana Hodajt. Tahiraj ka marrë 298 vota, ndërsa rivalja e tij mori vetëm 10 vota ndërsa 15 fletë u shpallën të pavlefshme.

Në Kurbin ka dalë fitues Tonin Koliçi, i cili doli fitimtar ndaj zyrtares së bashkisë Nertila Toma.

Së undmi në Lezhë, fitues është shpallur Eduart Ndreca. Në votim morën pjesë 254 anëtarë, ku Taulant Malshi mori 65 vota dhe Eduart Ndreca 173 vota, ndërsa 6 vota ishin të pavlefshme.