Krerët e shtetit urojnë nga Shkodra, Tirana dhe Lezha

Kreu i shtetit Bujar Nishani zgjodhi që të urojë besimtarët Katolik për festën e Pashkëve nga kryeqendra e veriut, Shkodra.  Të veçanta i cilësoi këto Pashkë për Shqiptarët edhe për dy momente të rëndësishme siç është shenjtërimi i Nënë Terezës dhe shpallja e martirëve të fesë. Ndersa për klasën politike e ka një apel, atë të marrjes së përgjegjësive që u takojnë.

Nishani: Problematikat që shfaq sot shoqëria shqiptare që nga humbja e besimit, problemet e mëdha ekonomike që kemi, problemet që kemi me korrupsionin dhe krimin e organizuar të cilat janë një e keqe e madhe për cdo qytetar. Në radhë të parë përgjegjësia e ndeshjes me to është e klasës politike dhe unë pres të shoh angazhime reale.

Kryeministri Edi Rama zgjodhi facebook-un për të uruar. “Gëzuar Pashkët” shkruan Rama.

Nga Shkodra zgjodhi të urojë besimtarët e Krishterë edhe kreu i opozitës Lulzim Basha, i cili në këto Pashkë duket se ka gjetur paqen me Jozefina Topallin, pasi si nuk kishte ndodhur më parë, erdhen për të uruar krah njeri tjetrit.

Basha: Kjo është ditë e ringjalljes së shpresës dhe e besimit, dhe po këtu nga Shkodra kam besim të madh, e dua ta them se kjo është ditë e ringjalljes edhe për lirinë, për demokracinë, për zhvillimin.Gëzuar Pashkët!

Basha më herët ishte edhe në Lezhë nga ku uroj besimtarët.

Nga Katedralja Shën Pali në Kryeqytet uroi edhe kryetari i bashkise se Tiranës Erion Veliaj dhe kreu i grupit demokrat, Edi Paloka.

Veliaj: Fabula e pashkes eshte një fabul shumë e bukur dhe kumti i ringjalljes së Krishtit është kumti që drita e mund errësirën që puna e mund dhunën dhe që jeta e mund vdekjen. Ndaj punoj për një qytet ku të gjithë bashkë të kemi shume jetë, më shumë dritë dhe më shumë punë.

Paloka: Dita e Pashkëve është dita e ngjalljes së shpreses, dita e ringjalljes për të cilët shqiptarët kanë aq shumë nevojë sot që ti rikthehen një jetë me te begate.

Pjesë e urimeve ka qenë edhe kryegjyshi boteror i Bektashinjve, Edmond Brahimaj.

Edmond Brahimaj: Qofshim të gjithë të bashkuar sic na do zoti. Gëzuar për shumë vjet.