Kreu i LRI Kavajë, Dervishi: Programi i LSI-së i jep frymë çdo sektori që është përbuzur nga Rilindja

Ditën e djeshme, kryetarja e LSI-së Monika Kryemadhi, zhvilloi një takim me strukturat e partisë në qytetin e Kavajës. Gjatë mbledhjes, kreu i LRI-së së Kavajës, Baki Dervishi, tha se programi i LSI-së i jep frymë të gjithë shtresave të popullsisë në Shqipëri dhe çdo sektori që deri sot është përbuzur nga Rilindja.

Përmes një postimi në facebook, ai thotë se ”Ky program i jep më shumë siguri çdo çifti të ri që deri dje e kishte të vështirë të krijonte një familje. Arsimi është pika kryesore ku LSI ndalet gjatë dhe në mënyrë të detajuar, 5% e GDP-së shtetit i sjell vendit arsim cilësor dhe dinjitoz”.

Postimi i plotë

Programi i LSI për rininë është gjithëpërfshirës. Që nga pika nga Bebja në Bebe me fondin prej 1000 dollarësh, që për çdo familje të re është ndihmë shumë e madhe, por për një shtet është një shifër e realizueshme dhe qesharake në krahasim me konçesionet e pavlera që jep sot Rilindja.

Ky program i jep më shumë siguri çdo çifti të ri që deri dje e kishte të vështirë të krijonte një familje. Arsimi është pika kryesore ku LSI ndalet gjatë dhe në mënyrë të detajuar, 5% e GDP-së shtetit i sjell vendit arsim cilësor dhe dinjitoz.

Programi i LSI i jep frymë të gjithë shtresave të popullsisë në Shqipëri dhe çdo sektori që deri sot është përbuzur nga Rilindja.