Krimi në Shkodër, Sula: Shteti e ka mendjen si të burgosin opozitën

Deputeti i PD-së, Dashnor Sula ka komentuar krimin në Shkodër, ka akuzuar ministrin e Brendshëm dhe drejtorin e Policisë së Shtetit si përgjegjës, pasi i sipas tij, i kanë “hapur krahun” krimit të organizuar. Ai gjithashtu i bën thirrje autoriteteve që të bëjnë çmos për të kapur autorët.

”Shteti nen pushtetin e bandave. Tronditëse ngjarja në Shkodër. Kriminelët morën jetë mu në mes të ditës. Organet e rendit duhet të ngrihen në këmbë e të kapin autorët.

Për fatin e keq të shqiptarëve, ky është realiteti në Shqipëri. Ministër i Brendshëm dhe Drejtori i Policisë së Shtetit ngrihen në mëngjes dhe flenë duke menduar se si të burgosin e përndjekin opozitën ndërsa bandave, krimit të organizuar i hapin krahun.

Rendi publik ka rënë në Shqipëri. Siç kanë konfirmuar edhe komunikimet në aplikacionet sekrete, Shumica e Drejtuesve të Policisë së Shtetit janë në shërbim të krimit të organizuar”, shkruan Sula.