Kriza politike, Balla: Nuk bëjmë negociata me opozitën

Kreu i grupit parlamentar të PS, Taulant Balla shprehet se maxhoranca mbetet e gatshme për dialog me opozitën për sa i takon krizës politike në vend, por jo për negociata me të. Përmes një postimi në  facebook, ku njofton se do të jetë sot në 17:00 në studion e Opinion në News24, Balla shkruan se Partia Socialiste është parti e dialogut dhe e rrugës Europiane të Shqipërisë.

Socialisti sqaron se nuk ka negociatë me opozitën, pasi askush nuk ka të drejtë të negocijojë në kurriz të rregullave bazë të demokracisë.

Postimi i plotë:

Sot ora 17.00 Live në News 24?:
Dialog me opozitën? PO. Patjetër. Gjithmonë Partia Socialiste është parti e dialogut dhe e rrugës Europiane të SHQIPËRISË.

Por, negociata me opozitën? JO. Sepse ne dhe askush nuk ka të drejtë të negocijojë në kurriz të rregullave bazë të DEMOKRACISË.