Kryebashkiakja e Durrësit mesazh PD-së: Më 6 mars do merrni përgjigje

Kryetarja e komanduar e Bashkisë së Durrësit, Emiriana Sako, u largua nga Komisioni Hetimor për inceneratorët, pasi debatoi ashpër me anëtarët demokratë të Komisionit Hetimor për inceneratorët.

Duke refuzuar t’i përgjigjej pjesës më të madhe të pyetjeve, Sako u tha demokratëve se do të merrnin përgjigjen e merituar në zgjedhjet e pjesshme vendore.

“Unë nuk kam më punë këtë komision sepse keni dalë tërësisht nga objekti. Jeni komplet jashtë objektit të Komisionit Hetimor. Më 6 mars do të merrni përgjigje”, tha Sako, e cila është kandidate e PS-së për zgjedhjet e pjesshme lokale të 6 marsit, ku garon për të vijuar detyrën si kryebashkiake e Durrësit.